ریاستی رٹ قائم کرنے کیلئے آخری حد تک جائیں گے، آرمی چیف جنرل سید عاصم منیر

اسلام آباد (ایجنسیاں) آرمی چیف جنرل سید عاصم منیر نے ایک بار پھر واضح کیا ہے کہ ریاست کی رٹ قائم کرنے کیلئے آخری حد تک جائیں گے‘ایک پاکستانی شہری کی جان و مال اور فلاح و بہبود کسی بھی دوسرے ملک اور کسی بھی دنیاوی مفاد سے مقدم ہے ۔میڈیا رپورٹ کے مطابق ا ٓرمی چیف نے منگل کو اپیکس کمیٹی اجلاس میں زور دے کر کہاکہ پاکستان کے پاس صرف ایک ہی آپشن ہے، ہمیں ان چیلنجز کے سامنے کھڑے ہونا ہے، ہم ریاست کی عمل داری قائم کرنے کے لیے انتہائی اقدام تک جائیں گے۔ایپکس کمیٹی کے اجلاس کے آخر میں آرمی چیف نے اقبال کا یہ شعر بھی پڑھا کہ ’’نہ سمجھو گے تو مٹ جاؤ گے اے ہندوستان والو، تمہاری داستاں تک بھی نہ ہوگی داستانوں میں‘‘۔