دنیا کی امیر ترین ریاستوں میں سے ایک برونائی دارالسلام کے سلطان حسن البولقیا کے بیٹے شہزادہ عبدالمتین کی اپنی منگیتر سے شادی ہوگئی۔غیرملکی میڈیا کے مطابق 32 سالہ شہزادہ عبدالمتین اور 29 سالہ ینگ ملیا انیشہ کی شادی کی تقریب دارالحکومت میں ایک سونے کے گنبد والی مسجد (مسجد عمر علی سيف الدين) میں ہوئی۔رپورٹس کے مطابق دونوں شخصیات کے ولیمے کی عالیشان تقریب 14 جنوری کو ہوگی جس کے لیے عالمی شخصیات اور سیاسی رہنماؤں کو بھی مدعو کیا گیا ہے۔غیرملکی میڈیا کے مطابق اس تقریب سے متعلق بتایا گیا ہے کہ یہ ایک عالیشان 1788 کمروں پر مشتمل محل میں ہوگی۔رپورٹس کے مطابق شادی کی عالیشان تقریبات 10 روز تک جاری رہیں گی۔غیرملکی میڈیا کے مطابق برونائی دارالسلام کے سلطان حسن البولقیا نے اپنے بیٹے کی منگنی کا اعلان گزشتہ برس اکتوبر میں کیا تھا جبکہ شہزادہ عبدالمتین نے اپنی منگیتر کے ساتھ پہلی مرتبہ تصویر گزشتہ ہفتے شیئر کی تھی۔
