افواج پاکستان دشمن قوتوں کے مذموم عزائم خاک میں ملانے کیلئے تیار ہیں، آرمی چیف

by youth desk

اسلام آباد،راولپنڈی  آرمی چیف جنرل عاصم منیر نے کہا ہے کہ افواج پاکستان دشمن قوتوں کےمذموم عزائم اور تمام حربوں کو خاک میں ملانے کیلئے ہر لمحہ تیار ہیں ، پاک فوج دشمن کےعزائم ناکام بنانے کی صلاحیت رکھتی ہے، پاک فوج کے شعبہ تعلقات عامہ کی جانب سے جاری بیان میں کہا گیا ہے کہ آرمی چیف جنرل عاصم منیر نے جہلم کے قریب ٹلہ فیلڈ فائرنگ رینج کا دورہ کیا جہاں انہوں نے لائیو فائر اور جدید وی ٹی 4 ٹینکوں کی مشقوں کا مشاہدہ کیا،آرمی چیف نے لانگ رینج ایس ایچ 15 آرٹلری گنوں کی شوٹنگ اور جدید آلات کی نمائش کا بھی مشاہدہ کیا اور عملے کی جنگی مہارت و جدید ترین ہتھیاروں پر انکی مہارت کو سراہا، اس موقع پر آرمی چیف کواسٹرائیک کور کی کارکردگی پر بریفنگ بھی دی گئی،جنرل عاصم منیر کا کہنا تھا پاک فوج دشمن کے مذموم عزائم کو ناکام بنانے کی پوری صلاحیت رکھتی ہے۔