اوورسیز پاکستانیوں کیلئے اوورسیز پراپرٹی ٹرانسفر سروس شروع کرنے کا اعلان

وزیراعلیٰ پنجاب مریم نواز شریف کی جانب سے اوورسیز پاکستانیوں کے لیے اوورسیز پراپرٹی ٹرانسفر سروس شروع کرنے کا اعلان کیا گیا ہے۔وزیراعلیٰ پنجاب کی زیرصدارت بورڈ آف ریونیو کی اصلاحات سے متعلق اجلاس منعقد ہوا۔اس دوران اوورسیز پراپرٹی ٹرانسفر سروس میں فرد، میوٹیشن اور رجسٹریشن کی سہولت دینے کا فیصلہ کیا گیا ہے۔اجلاس کے دوران وزیراعلیٰ مریم نواز کا ہدایت جاری کرتے ہوئے کہنا تھا کہ اوورسیز پاکستانیوں کے لیے پراپرٹی ٹرانسفر سروسز میں ٹائم لائن کی پابندی کو یقینی بنایا جائے۔وزیراعلی پنجاب نے کہا ہے کہ 30 جون تک 11 ڈویژن میں اراضی سہولت مرکز کا آغاز کیا جائے گا۔
وزیراعلیٰ مریم نواز نے پنجاب میں سرکاری اراضی کی لیز کا ریکارڈ بھی طلب کر لیا۔