ن لیگی پارلیمانی بورڈ کا دوسرا اجلاس جاری

مسلم لیگ ن کے پارلیمانی بورڈ کا دوسرا اجلاس شروع ہو گیا ہے۔پارٹی قائد محمد نواز شریف اور صدر شہباز شریف اجلاس کی صدارت کر رہے ہیں۔اجلاس میں مریم نواز، اسحاق ڈار، احسن اقبال اور دیگر مرکزی و صوبائی عہدیدار شریک ہوئے ہیں۔اس حوالے سے مریم اورنگزیب کا کہنا ہے کہ پارلیمانی بورڈ راولپنڈی ڈسٹرکٹ سے پارٹی کے لیے موزوں امیدواروں کا انتخاب کرے گا۔ن لیگی رہنما نے بتایا کہ بورڈ کوآرڈینیشن کمیٹی کی عام انتخابات میں پارٹی ٹکٹ دینے کی سفارشات پر غور کرے گا۔مریم اورنگزیب کا کہنا ہے کہ پارلیمانی بورڈ کا پہلا اجلاس 2 دسمبر کو ہوا تھا۔