Vice Chairman OPC Punjab, Barrister Amjad Malik, had a special meeting with, Prime Minister of Pakistan, Mian Muhammad Shahbaz Sharif,
وائس چیئرپرسن او پی سی پنجاب بیرسٹر امجد ملک کی وزیراعظم پاکستان میاں محمد شہباز شریف سے لاہور میں خصوصی ملاقات
میاں محمد شہباز شریف نے بیرسٹر امجد ملک کو وائس چیئرپرسن اوورسیز کمیشن پنجاب کا منصب سنبھالنے پر مبارکباد دی
وزیر اعظم کی شب و روز محنت سے سرمایہ کاروں کا اعتماد بحال ہوا اور ملکی معیشت کا پہیہ گھومنے لگا ہے : بیرسٹر امجد ملک
لاہور ( یوتھ رپورٹ) وائس چئیرپرسن اورسیز پاکستانیز کمیشن پنجاب اور چیف کوآرڈینیٹر انٹرنیشنل افئیرز بیرسٹر امجد ملک نےوزیراعظم پاکستان میاں محمد شہباز شریف سے لاہور میں خصوصی ملاقات کی اور وزیر اعظم کو ملکی معیشت کیلئے دن رات محنت کرنے اور سرمایہ کاروں کا اعتماد بحال کرنے پر مبارکباد دی۔ وزیراعظم پاکستان میاں محمد شہباز شریف نے بیرسٹر امجد ملک کو وائس چیئرپرسن اوورسیز کمیشن پنجاب کا منصب سنبھالنے پر مبارکباد دی ہے اور کہا کہ اوورسیز پاکستانیوں کے مسائل کے حل اور انکی فلاح کیلئے وفاق اور پنجاب ملک کر اقدامات کریں گے۔ اس موقع پر وزیراعظم پاکستان میاں محمد شہباز شریف نے کہا کہ اوورسیز پاکستانیز انکے دل کے انتہائی قریب ہیں اور اوورسیز وزارت، اوورسیز پاکستانی فاؤنڈیشن، اور اوورسیز کمیشن میں پہلی فرصت میں تعیناتیاں اس بات کا ثبوت ہیں کہ مسلم لیگ (ن) کی حکومت کام کرنے پر اور بیرون ملک مقیم پاکستانیوں کے مسائل حل کرنے پر یقین رکھتی ہے۔ وزیراعظم پاکستان میاں محمد شہباز شریف نے کہا کہ فتنہ گروہ کی پسپائی سے عوام کو ریلیف دینے کے معاملات میں مزید تیزی آئے گی۔ وائس چیئر پرسن اوورسیز پاکستانیز کمیشن بیرسٹر امجد ملک نے وزیراعظم پاکستان میاں محمد شہباز شریف کا شکریہ ادا کیا اور کہا کہ او پی ایف اور او پی سی پنجاب ملکر سمندر پار پاکستانیوں کے مسائل کے حل کیلئے مل کر کام کریں گے۔ بیرسٹر امجد ملک نے اقتصادی پہیہ گھمانے اور سٹاک ایکسچینج کو بلند سطح پر لیجانے پر حکومت کو مبارکباد دی۔ بیرسٹر امجد ملک نے کہا کہ اگر 9 مئی کے بلوائیوں کے وقت پر ٹرائل ہو جاتے تو اب والی صورتحال مختلف ہوتی۔انہوں نے تارکین وطن کیلئے سپیڈی ٹرائل کورٹ کا قانون پاس کروانے اور پی آئی اے کی یورپ میں ڈائریکٹ فلائٹ کی پابندی کے خاتمے پر وزیراعظم اور انکی ٹیم کی کوششوں کو سراہا۔ انہوں نے کہا کہ ہمیں ملکر بیرون ملک سوشل میڈیا پراپیگینڈا فیکٹریوں کے عمل دخل اور فیک نیوز کو روکنا ہوگا تاکہ ہیجان ، عوام میں سنسنی خیزی اور نفرت کے پھیلاؤ کو روکا جاسکے۔
