Pakistan Muslim League-N Team Affairs Deputy Prime Minister Pakistan Ishaq Dar under examination

پاکستان مسلم لیگ ن انٹرنیشنل افیئرز کی ڈپٹی پرائم منسٹر پاکستان اسحٰق ڈار کی زیر صدارت کانفرنس 
25دسمبر قائد اعظم اور قائد مسلم لیگ ن میاں محمد نواز شریف کے یوم پیدائش پر انٹرنیشنل افیئرز کے زیراہتمام ایک پروقار تقریب سے ڈپٹی وزیراعظم اور صدر انٹرنیشنل افیئرز محترم سینیٹر اسحٰق ڈار صاحب کا انٹرنیشنل چیپٹرز سےخطاب۔ 
کانفرنس کاآغاز سیکرٹری متحدہ عرب امارات راجہ ابوبکر آفندی کی طرف سے تلاوت کلام پاک سے ہوا اور مسلم لیگ ن آسٹریا کے صدر علی شرافت نے نعتیہ کلام پڑھا۔ اٹلی کے مینارٹی چیپٹر کے صدر شہزاد بھٹی نے کرسمس کے موقع پر دعائیہ پیغام پڑھا۔ 
مسلم لیگ نون انٹرنیشنل آفئیرز کے سینئر نائب صدر اور چیف کوآرڈینیٹر بیرسٹر امجد ملک نے کانفرنس کی صدارت کرتے ہوئے اپنے ابتدائیہ میں کہا کہ آج کا دن عظیم شخصیات کی پیدائش کا دن ہے۔ میں حضرت یسوع مسیح علیہ السلام اور انکے چاہنے والوں کو مبارکباد پیش کرتا ہوں۔ میں بانی پاکستان قائد اعظم بیرسٹر محمد علی جناح اور تمام پاکستانیوں کو انکی سالگرہ کی مبارکباد پیش کرتا ہوں۔ میں قائد مسلم لیگ ن اور تین  مرتبہ کے منتخب وزیراعظم پاکستان میاں محمد نواز شریف صاحب کو انکے جنم دن کی ڈھیروں مبارکباد پیش کرتا ہوں۔ انکے چاہنے والوں کو بھی بہت بہت مبارکباد۔ اقوام عالم میں وطن عزیز پاکستان کو منفرد اور ممتاز حیثیت دلوانے اور ایٹمی معاشی قوت بنانے والی شخصیت کوئی اور نہیں صرف میرا قائد میاں محمد نواز شریف ہے۔
مسلم لیگ نون انٹرنیشنل آفئیرز کے سیکرٹری جنرل نورالحسن تنویر نے اپنے خطاب میں کہا کہ پاکستان میں موٹر ویز کے جال ہوں یا ہائیڈل پاور پراجیکٹس ایٹمی پروگرام ہو یا صنعتی ترقی امت مسلمہ کو درپیش مسائل کا حل ہو یا کشمیر فلسطین پر درست موقف پاکستان کے دفاعی منصوبے ہوں یا گوادر پورٹ سی پیک جیسا عظیم الشان منصوبہ ہو یا پڑوسی ممالک سے بہترین تعلقات ہر جگہ قائد محترم نوازشریف کے نام کی تختی نظر آئے گی اور وہ تمام پاکستانیوں کو یوم قائد کی مبارکباد پیش کرتے ہیں۔ 
ڈپٹی وزیراعظم اور صدر انٹرنیشنل افیئرز محترم سینیٹر اسحٰق ڈار صاحب نے انٹرنیشنل چیپٹرز سےخطاب کرتے ہوئے تمام لیگیوں کو قائد محترم میاں محمد نواز شریف کی سالگرہ پر مبارکباد دی۔ مسیحی کمیونٹی کو بھی کرسمس کی مبارکباد اور خصوصی دعایئں کیں۔ انہوں نے کہا کہ انشااللہ حکومت قائد کا خواب ضرور پورا کرے گی اور پاکستان دن بہ دن ترقی کی منزلیں طے کرتا جائیگا۔ انہوں نے زور دیکر کہا کہ سوشل میڈیا پر منفی پراپیگینڈے کا ملکر مقابلہ کریں اور اپنے اپنے ملک میں آگے بڑھ کر اپنا کردار ادا کریں ۔ انہوں نے حزب اختلاف کیساتھ مزاکرات کو ایک مثبت قدم قرار دیا۔ انہوں نے کہا کہ ہم حکومت میں دن رات ایک کررہے ہیں تاکہ ملک آگے بڑھے اور کسی کو بھی اس ترقی کو ریورس کرنے کی اجازت نہیں دیں گے۔ انہوں نے کہا کہ حزب اختلاف کے خلاف کیسز انکی حکومت نے نہیں بنائے اور عدالتوں سے داد رسی کرنے والوں کیلئے یہی پیغام ہے کہ عدالتیں آزاد ہیں اور ہم کسی بھی طاقت کو اپنے ریاستی معاملات اور نظام عدل میں مداخلت کی اجازت نہیں دیں گے۔ اس موقع پر سوال و جواب بھی ہوئے اور انہوں نے خوشدلی سے موقع پر جوابات دیے۔ انہوں نے انفرادی درخواستوں پر سینئر نائب صدر اور چیئرپرسن اوورسیز کمیشن پنجاب بیرسٹر امجد ملک سے رابطہ کی ہدایات کی تا کہ وہ لوگوں کی آراء ان تک پہنچا سکتیں۔ 
کانفرنس میں سینتیس سے زائد ممالک کے مندوب نے شرکت کی۔
شرکاء میں مسلم لیگ ن امریکہ کے صدر روحیل ڈار ، مسلم لیگ ساوتھ ایسٹ ایشیاء کے کوآرڈینیٹر ڈاکٹر میاں صابر حسین، یورپ سے ٹریڈ کوآرڈینیٹر مہر امانت حسین، مسلم لیگ ن سعودی عرب کے صدر شیخ سعید احمد، مسلم لیگ ن برطانیہ کے سیکرٹری جنرل راشد ہاشمی اور ڈپٹی  ہیڈ آف میڈیا سلیمان بٹ، متحدہ عرب امارات کے سینئر نائب صدر عرفان احمد خان طور، مسلم لیگ ن فرانس کے سرپرست اعلیٰ طلعت محمود چوہان، مسلم لیگ ن تھائی لینڈ کے صدر آصف مجید، مسلم لیگ ن جاپان سے صدر نور اعوان اور سرپرست اعلیٰ رانا ابرار حسین، مسلم لیگ ن چائنہ کے صدر فدا حسین اور سیکرٹری اطلاعات کاشف امین، مسلم لیگ ن ساؤتھ کوریا کے صدر راجہ عامر خان، ہانگ کانگ کولون ریجن کے صدر عمران خان، ایڈیشنل سیکرٹری ہانگ کانگ سلیم ارشد خان، اسکینڈینیویا کے کوآرڈینیٹر  اسد ایاز، ڈنمارک سے وفد رحمت اللہ بیگ، سیکرٹری منشا، آفتاب رومی اور آصف رضا پر مشتمل تھا، مسلم لیگ ن عمان کے صدر محمد علی فضل، سیکرٹری جنرل مسلم لیگ ن بیلجئیم ذوالفقار علی۔ سیکرٹری مسلم لیگ ن متحدہ عرب امارات ابوبکر آفندی، مسلم لیگ ن فلپائن کے صدر طارق بٹ، مسلم لیگ ن سویڈن کے صدر سعید شیخ اور سینئر نائب صدر مسعود منہاس، مسلم لیگ ن ساؤتھ افریقہ کی شعبہ خواتین کی صدر شازیہ شوکت، مسلم لیگ ن ہالینڈ کے صدر پرویز سندھیلہ سیکرٹری جنرل فیصل منظور اور سرپرست اعلیٰ طاہر شاہ اقرار، مسلم لیگ ن آسٹریا کے صدر علی شرافت، مسلم لیگ ن سپین کے صدر راجہ اسد اور سینئر نائب صدر راجہ ساجد حسین اور سیکرٹری میاں عمران ساجد اور ہیڈ آف سوشل میڈیا عدنان بٹ، اٹلی سے یورپ کے کوآرڈینیٹر قمر ریاض خان، مسلم لیگ ن جرمنی سے سیکرٹری عنصر بٹ اور سیکٹری اطلاعات عمران ضیاء، کویت سے صدر تاجر ونگ شمشاد خان اور سینئر نائب صدر زبیر شرفی، کینیڈا سے صدر سہیل وڑائچ، اور نائب صدر عبدالرحمان خان سندھو عرف بنٹی جٹ، مسلم لیگ ن پرتگال کی صدر شمع بٹ،  سعودی عرب سوشل میڈیا ہیڈ سائرہ شمس اور ہیڈ آف میڈیا احسن مسعود، مسلم لیگ ن متحدہ عرب امارات کی شعبہ خواتین کی صدر فرزانہ کوثر، ناروے سے سرپرست خالد نذیر بٹ  اور صدر شاہد تنویر اور سیکرٹری جنرل عادل منصور، مسلم لیگ ن آسٹریلیا کے صدر ڈاکٹر ابوالفضل، تاجر ونگ برطانیہ کے صدر چوہدری خالد محمود اور دیکر سینئر مسلم لیگی عہدیداران شریک تھے اور انہوں نے اپنے خیالات کا اظہار کیا اور قیادت کا شکریہ بھی ادا کیا کے وہ ہر موقعہ پر اوورسیز کو اہمیت دیتے ہیں۔
کانفرنس کے اختتام میں ملک کے استحکام کیلئے دعا کی گئی اور پاکستان زندہ باد کے نعرے لگائے گئے۔